كيف تنجح فأي مقابلة عمل "Entretien d'embauche ".

ﻛﻴﻔﺎﺵ ﺗﻨﺠﺢ ﻓﺄﻱ ﻣﻘﺎﺑﻠﺔ ﻋﻤﻞ " Entretien d’embauche "؟

ﺍﻷﻏﻠﺒﻴﺔ ﻓﻴﻨﺎ ﻓﺎﺵ ﻛﺎﻳﻤﺸﻲ ﻳﺪﻭﺯ ﺷﻲ " Entretien d’embauche "

ﻛﺎﻳﺴﻄﺮﻳﺴﻲ ﺑﺰﺍﻑ، ﻛﺎﻳﺘﻠﻒ ﻭ ﻣﺎ ﻛﺎﻳﻌﺮﻑ ﻣﺎﻳﺴﺒﻖ ﻭﻻ ﻳﻮﺧﺮ .. ﻋﻼﺵ؟

ﺣﻴﺖ ﺩﺍﻳﺮ ﻓﺒﺎﻟﻮ ﺑﻠﻲ ﻏﺎﺩﻱ ﻳﺘﻘﺎﺑﻞ ﻣﻌﺎ ﺑﻮﻋﻮ ﻭ ﺧﺎﺻﻮ ﻳﺒﺎﻥ ﻭﺍﻋﺮ ﺑﺰﺍﻑ

ﺑﺎﺵ ﻳﻘﻨﻌﻮ، ﺗﺎﻳﺼﺪﻕ ﻣﻘﻮﺩﻫﺎ.

ﻓﺤﻴﻦ ﺃﻥ ﻫﺎﺩ ﺍﻝ "Entretien" ﻣﺠﺮﺩ ﺃﺧﺪ ﻭ ﺭﺩ ﺑﻴﻦ 2 ﻧﺎﺱ

"Professionnels" ﻣﺎﺷﻲ ﺍﺳﺘﺠﻮﺍﺏ ﻭﻻ ﺍﺳﺘﻨﻄﺎﻕ .. ﻣﻘﺎﺑﻠﺔ ﺍﻟﻌﻤﻞ

ﺑﻜﻞ ﺑﺴﺎﻃﺔ ﻛﺎﺗﺴﺎﻕ ﻭ ﺧﺎﺻﻚ ﺗﺸﺪ ﺍﻟﭭﻮﻟﻮﻥ ﻣﺰﻳﺎﻥ، ﻏﺎﺩﻱ ﻧﺸﻮﻓﻮ ﻛﻴﻔﺎﺵ

ﻟﺘﺤﺖ.

ﺑﺎﻟﺘﺎﻟﻲ ﺧﺎﺻﻚ ﻓﺎﺵ ﺗﻜﻮﻥ ﻗﺒﺎﻟﺖ ﺍﻝ "Recruteur" ﺗﻨﻔﺲ ﻣﺰﻳﺎﻥ ﺑﺎﺵ

ﺩﻭﺯ ﺍﻷﻛﺴﻴﺠﻴﻦ ﻟﺪﻣﺎﻏﻚ ﻭ ﺗﺮﺗﺐ ﺃﻓﻜﺎﺭﻙ ﻗﺒﻞ ﻣﺎ ﺗﻬﻀﺮ، ﻭ ﺩﻳﺮ ﻓﺒﺎﻟﻚ ﺑﻠﻲ

ﺩﻳﻚ ﺑﻮﻋﻮ ﺭﺍﻩ ﻣﺎﺷﻲ ﺇﻟﻪ، ﺗﺎ ﻫﻮ ﺑﺤﺎﻟﻚ ﻓﺎﻳﻖ ﺍﻟﺼﺒﺎﺡ ﺻﺎﺧﻂ ﺧﺎﺻﻮ ﻳﻔﻄﺮ

ﻭ ﻳﻬﺒﻂ ﺍﻟﺰﺑﻞ ﻭ ﺗﺰﻟﻞ ﻋﻼ ﺷﻲ ﺯﻭﺝ ﺗﻴﺘﻴﺰﺍﺕ ﻗﺒﻞ ﻣﺎ ﻳﺪﺧﻞ ﻟﺨﺪﻣﺘﻮ ﺇﻟﺦ ..

ﻭ ﺑﻠﻲ ﺭﺍﻙ " Professionnel" ﻛﺎﻳﻬﻀﺮ ﻣﻌﺎ " Professionnel" ،

ﻣﺎ ﻛﺎﻳﻦ ﻻﺵ ﺗﺼﻄﺮﻳﺴﻲ ﻷﻧﻚ ﻏﺎﺩﻱ ﺩﻭﺯ ﻟﻘﺎﺀ ﻋﺎﺩﻱ ﻏﺎﺩﻱ ﺗﻬﻀﺮ ﻓﻴﻪ ﻋﻼ

ﺭﺍﺳﻚ، ﺁﺵ ﻛﺎﺗﻌﺮﻑ ﺩﻳﺮ، ﻭ ﺁﺵ ﻏﺎﺩﻱ ﺗﺰﻳﺪ ﻟﻠﺸﺮﻛﺔ ﻟﻲ ﺟﻴﺘﻲ ﻟﻴﻬﺎ .

ﻧﺒﺪﺍﻭ ﺩﺍﺑﺎ ﻓﺎﻟﺼﺤﻴﺢ .. ﻗﺒﻞ ﺃﻱ ﺣﺎﺟﺔ ﺧﺎﺻﻚ ﺗﻌﺮﻑ ﺑﻠﻲ ﻛﻮﻟﺸﻲ ﻋﻼ

ﺍﻹﻋﺪﺍﺩ ﻟﻲ ﺧﺎﺹ ﺩﻳﺮ ﻗﺒﻞ ﻭ ﺗﻮﺟﺪ ﺍﻟﺤﺠﺞ ﺩﻳﺎﻟﻚ.

ﺍﻟﺤﺠﺞ ﺩﻳﺎﻻﺵ؟ ﺩﻳﺎﻝ ﺍﻟﺸﺎﺩﺓ ﻭ ﺍﻟﻔﺎﺫﺓ ﻑ "CV" ﺩﻳﺎﻟﻚ .. ﺑﺎﻟﻨﺴﺒﺔ ﻟﺒﻮﻋﻮ

ﺃﻱ ﻛﻠﻤﺔ ﻣﻜﺘﻮﺑﺔ ﻑ "CV" ﺭﺍﻫﺎ ﻣﻮﺿﻮﻉ ﻳﻬﻀﺮ ﻣﻌﺎﻙ ﻋﻠﻴﻪ. ﺇﺫﻥ ﺃﻱ

ﺣﺎﺟﺔ ﺗﻤﺎ ﺧﺎﺻﻚ ﺗﻜﻮﻥ ﻗﺎﺩ ﺗﻬﻀﺮ ﻋﻠﻴﻬﺎ ﺑﺴﻼﺳﺔ ﻭ ﺗﺒﻴﻦ ﺍﻟﻘﻴﻤﺔ ﺩﻳﺎﻟﻬﺎ،

ﻳﻌﻨﻲ ﻋﻼﺵ ﺣﻄﻴﺘﻴﻬﺎ ﺗﻤﺎ ﺑﺎﺵ ﻳﺸﻮﻓﻬﺎ.

‏( ﺑﻴﻦ ﻗﻮﺳﻴﻦ ﺟﺒﺪﺕ "CV" ﺟﺒﺪﺗﻮ، ﻫﺎﺩﻳﻚ ﺍﻟﺒﺎﺭﺗﻲ ﺩ "Loisirs" ﻭ

"Divers" ﻭﻻ " Centre d’intérêts " ﻟﻲ ﻛﺎﺗﺰﻳﺪﻭﻫﺎ ﻑ "CV" ﺭﺍﻩ

ﺑﺎﻟﻨﺴﺒﺔ ﻟﻸﻏﻠﺒﻴﺔ ﺩ ﺑﻮﻋﻮﻳﺎﺕ ﻏﻴﺮ ﻣﺰﺑﻠﺔ ﺯﺍﻳﺪﺓ ﺗﻤﺎ، ﻣﺎﻟﻘﻴﺘﻲ ﺑﺎﺵ ﺗﻌﻤﺮ

"CV" ﺩﺭﺗﻴﻠﻮ ﺭﺍﻩ ﻋﺰﻳﺰ ﻋﻠﻴﺎ ﺍﻟﺴﻔﺮ ﻭ ﺍﻟﻘﺮﺍﻳﺔ، ﻭ ﻣﻦ ﺑﻌﺪ؟ ﻓﺎﺵ ﻏﺎﺩﻱ

ﻳﻨﻔﻌﻨﻲ ﻫﺎﺩﺷﻲ؟ ﺁﻟﻮﻍ ﻣﻦ ﺍﻷﺣﺴﻦ ﺑﻼﺵ، ﺍﻟﻤﻬﻢ ﻣﺎﺷﻲ ﺣﺮﺍﻡ ﺩﻳﺮﻫﺎ

ﻭﻟﻜﻦ ﻧﻘﻮﻟﻮ ﻣﻜﺮﻭﻩ :3 ﻭ ﺗﺎ ﻳﻼ ﺩﺭﺗﻴﻬﺎ ﺣﺎﻭﻝ ﺗﻜﻮﻥ ﺫﻛﻲ ﻭ ﺗﺮﺑﻄﻬﺎ ﺑﺎﻝ

"Besoin" ﺩ ﺑﻮﻋﻮ ﻟﻲ ﻗﺒﺎﻟﺘﻚ، ﺩﺍﺑﺎ ﻧﺪﻳﺮ ﻣﺜﺎﻝ ﺑﻼﺗﻲ ﺷﻮﻳﺔ ‏)

ﺗﺎﻝ ﻫﻨﺎ ﻣﺰﻳﺎﻥ، ﻣﻦ ﺑﻌﺪ ﻭ ﺑﺎﻟﻨﺴﺒﺔ ﻟﻴﺎ ﻫﺎﺩﻱ ﻧﻘﻄﺔ ﻣﻬﻤﺔ ﺑﺰﺍﻑ،

ﻓﺎﻟﻤﻘﺎﺑﻠﺔ ﺩﻳﺎﻟﻚ ﺣﺎﻭﻝ ﺗﺴﺘﻌﻤﻞ "Vocabulaire" ﺍﻟﺨﺎﺹ ﺑﺎﻟﺸﺮﻛﺔ ﻟﻲ

ﺭﺍﻙ ﻣﺎﺷﻲ ﻟﻴﻬﺎ، ﺑﻤﻌﻨﻰ ﻗﺒﻞ ﻣﺎ ﺗﻤﺸﻲ ﻏﺎﺩﻱ ﺗﻘﻠﺐ ﻋﻼ ﺍﻟﺪﻳﻄﺎﻱ ﺩ

ﺍﻟﺪﻳﻄﺎﻱ ﺩﻳﺎﻝ ﺩﻳﻚ ﺍﻟﺸﺮﻛﺔ ﻭ ﺗﺮﺟﻌﻮ ﻫﻮ ﺍﻟﺒﺎﻳﺒﻞ ﺩﻳﺎﻟﻚ. ﻫﻨﺎ ﻛﺎﻳﻌﺮﻓﻚ

ﺑﻮﻋﻮ "Motivé" ﻭ ﻣﺎ ﺗﺤﺘﺎﺟﺶ ﺗﻘﻮﻟﻮ ﺭﺍﻧﻲ ﻣﺘﺤﻤﺲ ﻟﻠﺨﺪﻣﺔ ﻣﻌﺎﻛﻢ

ﻛﻴﻤﺎ ﻗﺎﻟﻮﻫﺎ ﺩﻭﻙ ﺍﻝ200 ﻭﺍﺣﺪ ﻟﻲ ﺻﻴﻔﻂ ﻗﺒﻞ ﻣﻨﻚ.

ﻧﺪﻭﺯﻭ ﺩﺍﺑﺎ ﻟﻔﻮﺻﻂ ﺍﻟﻤﻘﺎﺑﻠﺔ، ﺁﺵ ﺧﺎﺻﻚ ﺩﻳﺮ؟

ﺃﻭﻝ ﺣﺎﺟﺔ ﻫﻲ ﺧﺎﺻﻚ ﺗﻌﻠﻢ ﺗﺠﺮ ﺍﻹﻫﺘﻤﺎﻡ ﺩ ﺑﻮﻋﻮ ﻟﻌﻨﺪﻙ، ﻷﻧﻚ ﻓﺄﺧﺬ ﻭ ﺭﺩ

ﻣﺎ ﺧﺎﺻﻜﺶ ﺗﺠﺎﻭﺏ ﻋﻼ ﺍﻟﺴﺆﺍﻝ ﻛﻴﻤﺎ ﻋﻄﺎﻩ ﻟﻴﻚ .. ﻏﺎﺩﻱ ﺩﺧﻠﻮ ﻓﻮﺍﺣﺪ

ﺍﻟﺮﺗﺎﺑﺔ ﻭ ﺍﻟﻤﻠﻞ ﻭﻳﺒﻘﺎ ﻳﻘﻮﻝ ﻧﻌﻞ ﺩﻳﻠﻤﻲ ﻟﻲ ﭼﺎﻟﺲ ﻣﻌﺎﻩ ﺩﺍﺑﺎ.

ﻫﻨﺎ ﻧﻘﺘﺎﺭﺡ ﻋﻠﻴﻚ ﻭﺍﺣﺪ ﺍﻟﻄﺮﻳﻘﺔ ﻋﺰﻳﺰﺓ ﻋﻼ ﺑﻮﻋﻮﻳﺎﺕ ﺳﻤﻴﺘﻬﺎ "STAR"

ﻧﻄﺒﻘﻮﻫﺎ ﻧﻴﺸﺎﻥ ﻓﻤﺜﺎﻝ :

ﺑﻮﻋﻮ : ﻫﻀﺮ ﻟﻴﺎ ﻋﻼ ﺍﻟﺘﺠﺮﺑﺔ ﺩﻳﺎﻟﻚ ﻓﺎﻟﺸﺮﻛﺔ "X"

ﻧﺘﺎ :

.1 ﺀ " S = Situation / contexte " : ﺧﺪﻣﺖ ﻣﻦ 2014 ﺗﺎﻝ

2016 ﻓﺎﻟﺸﺮﻛﺔ ﺍﻟﻔﻼﻧﻴﺔ ﻟﻲ ﻛﺎﺩﻳﺮ ﻛﺪﺍ ‏(ﻣﺎﺗﻌﻄﻴﺶ ﻟﻲ ﺩﻳﻄﺎﻱ ﻋﻠﻴﻬﺎ ‏)

.2 ﺀ " T = Travail / fonction " : ﺑﺪﻳﺖ ﻣﻌﺎﻫﻮﻡ ﻙ

"assistant" ﻭ ﻣﻦ ﺑﻌﺪ ﺯﺩﺕ ﺗﻄﻮﺭﺕ ﻓﺎﻟﺸﺮﻛﺔ ﻭ ﺷﺪﻳﺖ ﺍﻟﺒﻮﺳﻂ ﺩ

" Chef de Projet"

.3 ﺀ " A = Actions / missions " : ﺧﺪﻣﺘﻲ ﻛﺎﻧﺖ ﺃﺳﺎﺳﺎ ﺳﻲ

ﻛﺪﺍ ﻭ ﻛﺪﺍ ﻭ ﻛﻨﺖ ﻣﻜﻠﻒ ﺑﻜﺪﺍ ‏( ﺍﻟﻤﻬﻢ ﺧﻮﺩ ﺭﺍﺣﺘﻚ ﻫﻨﺎ ‏)

.4 ﺀ " R = Résultat " : ﺑﻔﻀﻞ ﻫﺎﺩ ﺍﻟﺒﻮﺳﻂ ﻗﺪﻳﺖ ﻧﻄﻮﺭ ﺍﻟﻤﻬﺎﺭﺍﺕ

ﺩﻳﺎﻭﻟﻲ ﻓﻜﺪﺍ .. ﺗﻌﻠﻤﺖ ﻧﺘﺤﻜﻢ ﻓﻜﺪﺍ .. ﻋﺘﺎﺭﻓﻮ ﺑﻴﺎ ﻓﻜﺪﺍ .. ﺟﺎﻭﻧﻲ ﺑﺰﺍﻑ ﺩ

ﺍﻟﺘﻬﺎﻧﻲ ﻣﻦ ﺍﻟﻤﺪﻳﺮ.. ‏(ﻫﻀﺮ ﻭ ﺣﺸﻲ ﺩﺍﻛﺸﻲ ﻟﻲ ﺑﻐﻴﺘﻲ ﺗﺒﻴﻦ

" comme compétences ("

ﺛﺎﻧﻲ ﺣﺎﺟﺔ، ﺧﺎﺹ ﺗﻌﺮﻑ ﻋﻼﻳﺎﺵ ﻛﺎﻳﻘﻠﺐ ﺑﻮﻋﻮ، ﻳﻌﻨﻲ ﺧﺎﺻﻚ ﺗﻜﻮﻥ

ﻣﺘﻤﻜﻦ ﻣﻦ ﺁﺵ ﺩﺭﺗﻲ ﻗﺒﻞ، ﻭ ﺗﻜﻮﻥ ﻋﺎﺭﻑ ﻋﻼﺵ ﺭﺍﻙ ﻧﺘﺎ ﭼﺎﻟﺲ ﻗﺒﺎﻟﺘﻮ

ﺩﻳﻚ ﺍﻟﺴﺎﻉ ﻭ ﻣﺎﺷﻲ ﻭﺍﺣﺪ ﺁﺧﻮﺭ، ﻭ ﺗﻜﻮﻥ ﻋﺎﺭﻑ ﺍﻟﺒﻮﺳﻂ ﻟﻲ ﺭﺍﻙ ﺩﺍﻓﻊ

ﻟﻴﻪ ﻣﺰﻳﺎﻥ.

ﺗﺎ ﻫﺎﺩﻱ ﻋﻨﺪﻫﺎ ﻭﺍﺣﺪ ﺍﻟﻤﻴﻄﻮﺩ ﻋﺰﻳﺰﺍ ﻋﻠﻴﻬﻮﻡ ﺳﻤﻴﺘﻬﺎ "PPF"، ﻧﻄﺒﻘﻮﻫﺎ

ﺗﺎ ﻫﻲ :

ﺑﻮﻋﻮ : ﻋﻼﺵ ﺩﻓﻌﺘﻲ ﻟﻴﻨﺎ؟ ﻭﻻ ﻋﻼﺵ ﺟﻴﺘﻲ ﻟﻬﻨﺎ؟

ﻧﺘﺎ : ‏( ﻭﺍﻳﺂﺁﺁﺁﺁﺁﺁﺍﻙ ﺛﻢ ﻭﺍﻳﺎﻙ ﺗﻘﻮﻟﻮ ﺣﻴﺖ ﺷﻔﺖ ﻻﻧﻮﻧﺺ ﻭ ﻋﺠﺒﻨﻲ ﺍﻟﺼﺎﻟﻴﺮ

ﻫﻬﻬﻬﻪ، ﺍﻟﻤﻬﻢ .. ‏)

.1 ﺀ " P = passé " : ﺑﺪﻳﺖ ﻻ ﻛﺎﺭﻳﻴﺮ ﺩﻳﺎﻟﻲ ﻓﻜﺪﺍ ﻟﻤﺪﺓ ﺇﻛﺲ ﻋﺎﻡ، ﻭ

ﺧﺪﻣﺖ ﻋﻼ ﻛﺪﺍ، ﺍﻟﺤﺎﺟﺔ ﻟﻲ ﻣﻜﻨﺎﺗﻨﻲ ﻣﻦ ﺗﻄﻮﻳﺮ ﺍﻟﻘﺪﺭﺍﺕ ﺩﻳﺎﻟﻲ ﻑ ﻛﺪﺍ، ﻭ

ﺧﻼﺗﻨﻲ ﻧﺘﻌﻠﻢ ﻛﺪﺍ ﺇﻟﺦ ﺇﻟﺦ ...

.2 ﺀ " P = présent " : ﻭﻣﻦ ﺑﻌﺪ ﻫﺎﺩ ﺍﻟﻤﺪﺓ ﻋﺮﻓﺖ ﺑﻠﻲ ﻳﻤﻜﻦ ﻟﻴﺎ

ﻧﻮﻇﻒ ﺍﻟﻘﺪﺭﺍﺕ ﺩﻳﺎﻟﻲ ﻓﺎﻟﺤﺎﺟﺔ ﺍﻟﻔﻼﻧﻴﺔ، ﻭ ﺗﻼﻗﻴﺖ ﺑﺒﺰﺍﻑ ﺩ ﻟﻲ ﻛﺎﺩﺭ ﻟﻲ

ﺃﻛﺪﻭﻟﻲ ﺑﻠﻲ ﻧﻘﺪﺭ ﻧﻌﻄﻲ ﻓﻴﻬﺎ ﻛﺜﺮ.

.3 ﺀ " F = futur " : ﻫﺎﺩﺷﻲ ﻋﻼﺵ ﺃﻧﺎ ﻗﺪﺍﻣﻚ ﺩﺍﺑﺎ ﺑﺎﺵ ﻧﻘﻨﻌﻚ ﺑﺂﺵ

ﻋﻨﺪﻱ ﻣﺎ ﻧﺪﻳﺮ ﻭﻧﺒﻴﻦ ﺑﻠﻲ ﺭﺍﻧﻲ ﻗﺎﺩ ﻧﻮﻇﻒ ﻫﺎﺩ ﺍﻟﻤﺨﺰﻭﻥ ﺍﻟﻤﻌﺮﻓﻲ ﺩﻳﺎﻟﻲ

ﻓﺎﻟﺸﺮﻛﺔ ﺩﻳﺎﻟﻜﻢ، ﺧﺼﻮﺻﺎ ﻣﻠﻲ ﺷﻔﺖ ﺑﻠﻲ ﻛﺎﺗﻘﻠﺒﻮ ﻋﻼ ﺷﻲ ﺣﺪ ﻳﻜﻮﻥ

ﺗﺎﻳﺪﻳﺮ ﻛﺪﺍ ﻭ ﻛﺪﺍ ﻭ ﻛﺪﺍ، ﻭ ﻫﺎﺩﺷﻲ ﺗﻤﺎﻣﺎ ﺁﺵ ﻛﺎﻧﺘﻘﻦ، ﻫﺎﺩﺷﻲ ﻋﻼﺵ

ﺷﻔﺖ ﺑﻠﻲ ﻧﻘﺪﺭ ﻧﺮﺍﻓﻘﻜﻢ ﻑ ﺍﻝ "Projet" ﺍﻟﻔﻼﻧﻲ.

ﻳﻌﻨﻲ ﺑﺎﺧﺘﺼﺎﺭ ﺍﻟﺴﺆﺍﻝ ﻓﺎﺵ ﻛﺎﻳﺘﻮﺟﻪ ﻟﻴﻚ، ﺭﺍﻩ ﺍﻟﻤﻬﻢ ﻣﺎﺷﻲ ﻫﻮ ﺗﺠﺎﻭﺏ

ﻋﻠﻴﻪ ﻭﻓﻘﻂ، ﻭ ﺇﻧﻤﺎ ﺗﻠﻘﺎﻟﻮ ﺻﻠﺔ ﺑﺎﻟﺒﻮﺳﻂ ﻟﻲ ﺭﺍﻙ ﺩﺍﻓﻊ ﻟﻴﻪ ﻭ ﺕ

"Projeter" ﺭﺍﺳﻚ ﻓﻴﻪ .

ﻧﺪﻭﺯﻭ ﺩﺍﺑﺎ ﻝ " Les Liens " ، ﻳﻌﻨﻲ ﻧﻘﻂ ﺍﻹﺗﺼﺎﻝ ﻟﻲ ﻏﺎﺩﻱ ﺩﻳﺮ ﺑﻴﻦ

ﭼﺎﻉ ﺩﺍﻛﺸﻲ ﻟﻲ ﻛﺘﺒﺘﻲ ﻑ "CV" ﺩﻳﺎﻟﻚ، ﻭ ﻫﺎﺫﺍ ﻋﺎﻣﻞ ﺧﻄﻴﻴﻴﻴﺮ ﺇﻻ

ﻋﺮﻓﺘﻲ ﺗﻮﻇﻔﻮ، ﻫﻨﺎ ﺑﻮﻋﻮ ﻛﺎﻳﻮﻟﻲ ﻳﺸﻮﻑ ﻓﻴﻚ ﻭﺍﺣﺪ " Le charme

"professionnel ﻻ ﻳﻘﺎﻭﻡ .. ﺗﻤﺎﻣﺎ ﺑﺤﺎﻝ ﺍﻟﺘﻴﺘﻴﺰﺓ ﻟﻲ ﺷﺎﻑ ﺍﻟﺼﺒﺎﺡ :3

ﺍﺫﻥ ﺍﻟﻤﺮﺓ ﺍﻟﺠﺎﻳﺔ ‏( ﻣﺜﻼ ‏) ﺇﻻ ﺳﻮﻟﻚ ﺑﻮﻋﻮ ﺷﻨﻮ ﻫﻮﻣﺎ " Les qualités "

ﺩﻳﺎﻟﻚ، ﻏﺎﺩﻱ ﺗﻜﻮﻥ ﺃﻛﺒﺮ ﻣﻜﻠﺦ ﺇﻻ ﻗﻠﺘﻴﻠﻮ " ﺃﻧﺎ ﻣﻨﺘﻈﻢ ﻭ ﻏﻴﭽﻮﻏﻮ ﻭ

ﺑﻮﻟﻴﭭﺎﻟﻮﻥ ﻭ ﺯﻭﻳﻦ ﻭ ﻣﻮﺛﻘﺎﻑ .."

ﺑﺎﻟﻌﻜﺲ ﺧﺎﺻﻚ ﺩﻳﺮ " Les qualités " ﺩﻳﺎﻟﻚ ﻓﻮﺍﺣﺪ ﺍﻟﺴﻴﺎﻕ ﻭ ﺗﺸﺮﺣﻬﻢ

ﻭ ﺗﺠﺒﺪﻟﻲ ﺍﻟﺼﻠﺔ ﺩﻳﺎﻟﻬﻢ ﻣﻌﺎ ﺍﻟﺒﻮﺳﻂ ﻟﻲ ﺑﺎﻏﻲ .

ﻧﻌﻄﻴﻚ ﻣﺜﺎﻝ، ﺩﺭﺗﻲ ﻑ "Loisirs" ﺍﻟﺴﺒﺎﺣﺔ ‏( ﻭﺍﺧﺔ ﻣﻜﺮﻭﻫﺔ ﺩﻳﻚ

..("Loisirs" ﺩﺍﺑﺎ ﺁﺷﻨﻮ ﻋﻼﻗﺔ ﺍﻟﺴﺒﺎﺣﺔ ﺑﺎﻟﺨﺪﻣﺔ؟ ﺁﺟﻲ ﺗﺸﻮﻑ :

ﺧﺪﻣﻠﻲ ﻫﻨﺎ ﻝ " PPF" :

.1 ﺀ "Passé" : ﺑﺪﻳﺖ ﻧﻤﺎﺭﺱ ﻫﺎﺩ ﺍﻟﺮﻳﺎﺿﺔ ﻟﻤﺪﺓ ﺇﻛﺲ ﻋﺎﻡ ‏( ﻣﺎ

ﻃﻮﻟﺶ ﺑﺰﺍﻑ ‏) .

.2 ﺀ "Présent" : ﻋﺮﻓﺖ ﺗﻤﺎ ﺑﺰﺍﻑ ﺩﺍﻟﻨﺎﺱ ﻭ ﺃﻛﺜﺮﻳﺔ ﺍﻷﺳﺘﺎﺫ ﺩﻳﺎﻟﻲ

ﻟﻲ ﻛﺎﻥ ﺗﺎﻳﻌﻴﻂ ﻟﻴﺎ ﻧﻮﻗﻒ ﻣﻌﺎﻩ ﻓﺤﺼﺺ ﺍﻟﺘﺪﺭﻳﺐ، ﻋﻼﺵ؟ ﺣﻴﺖ ﺷﺎﻑ ﻓﻴﺎ

ﻭﺍﺣﺪ ﺍﻟﻘﺪﺭﺓ ﻋﻼ ﺗﺤﻤﻴﺲ ﺍﻟﻨﺎﺱ ‏( "Motivation" ﺯﻋﻤﺎ، ﻣﺎﻋﺮﻓﺖ ﺷﻨﻮ

ﻫﻴﺎ ﺑﺎﻟﻌﺮﺑﻴﺔ ‏) ﻭ ﺩﻓﻌﻬﻢ ﻟﺘﺤﺪﻱ ﺭﺍﺳﻬﻢ ﻭ ﻳﻜﺴﺮﻭ ﺍﻟﻘﻴﻮﺩ ﻟﻲ ﺷﺎﺩﺍ ﺍﻟﻘﺪﺭﺍﺕ

ﺩﻳﺎﻟﻬﻢ .

.3 ﺀ "Futur" : ﺃﻧﺎ ﻋﻼ ﻋﻠﻢ ﺗﺎﻡ ﺑﻠﻲ ﺑﺎﺵ ﻧﻜﻮﻥ " Chef de

"projet ﻣﺰﻳﺎﻥ ﻓﺎﻟﺸﺮﻛﺔ ﺩﻳﺎﻟﻜﻢ ﺧﺎﺻﻨﻲ ﻧﻜﻮﻥ ﻗﺎﺩﺭ ﺑﺎﺵ ﻧﺪﻱ

" L'équipe " ﺩﻳﺎﻟﻲ ﻭ ﻧﭽﻴﺪﻳﻬﺎ ﻣﺰﻳﺎﻥ، ﻭﺑﺤﻜﻢ ﺃﻧﻲ ﻗﺎﺩﺭ ﻧﺄﺛﺮ ﻓﺎﻟﻨﺎﺱ

ﺑﺴﻬﻮﻟﺔ ﻳﻤﻜﻦ ﻟﻴﺎ ﻧﺨﺪﻡ ﻣﻌﺎﻫﻢ ﺑﻜﻞ ﺳﻼﺳﺔ ﻭﻧﺨﺪﻣﻬﻢ ﻣﻌﺎ ﺑﻌﻀﻬﻢ . ﻭ

ﻫﺎﺩﻱ ﻣﻦ ﺑﻴﻦ ﺍﻷﺳﺒﺎﺏ ﻋﻼﺵ ﺩﻓﻌﺖ ﻟﻴﻜﻢ ﻷﻥ ﻫﺎﺩ ﺍﻟﺒﻮﺳﻂ ﻏﺎﺩﻱ ﻳﺘﻴﺢ ﻟﻴﺎ

ﺍﻟﻔﺮﺻﺔ ﻧﻮﻇﻒ ﺁﺵ ﻛﺎﻧﻌﺮﻑ .........

ﺗﺎﺩﺁﺁﺁﺁﺁ، ﺳﺎﻫﻠﺔ ﺑﺤﺎﻝ ﺷﺮﻳﺐ ﺍﻟﻤﺎﺀ.

ﺧﻼﺻﺔ ﺍﻟﻘﻮﻝ :

*ﺧﺪﻡ ﻻ ﻣﻴﻄﻮﺩ "STAR" ﺑﺎﺵ ﺗﺸﺮﺡ ﺷﻲ ﺣﺎﺟﺔ ﺳﻮﻟﻚ ﻋﻠﻴﻬﺎ ﺑﻮﻋﻮ ﻭ

ﺑﺎﺵ ﻣﺎ ﺗﻠﻔﺶ ﻓﺎﻟﻬﻀﺮﺓ ﺃﻭ ﺇﻻ ﺣﺴﻴﺘﻲ ﺑﺮﺍﺳﻚ ﺻﻄﺮﻳﺴﻲ ﺷﻮﻳﺔ.

*ﺧﺪﻡ ﻻ ﻣﻴﻄﻮﺩ "PPF" ﺑﺎﺵ ﺗﺨﻠﻖ ﻭﺍﺣﺪ ﺍﻟﺨﻂ ﺯﻣﻨﻲ ﻣﺘﻜﺎﻣﻞ ﺩﻳﺎﻝ ﺷﻲ

ﺇﻛﺴﺒﻴﺮﻳﻮﻧﺺ ﻭ ﺕ "Projeter" ﺭﺍﺳﻚ ﻣﻌﺎ ﺑﻮﻋﻮ .

*ﺍﻋﺘﻤﺪ ﻓﺄﻱ ﺣﺎﺟﺔ ﻋﻼ ﺍﻟﺮﻭﺍﺑﻂ ﻭ ﺍﻟﺼﻼﺕ ﻣﻌﺎ ﺍﻟﺒﻮﺳﻂ ﻟﻲ ﺭﺍﻙ ﺩﺍﻓﻊ ﻟﻴﻪ

ﺑﺎﺵ ﺑﻮﻋﻮ ﻳﺤﺲ ﺑﺘﻨﺎﺳﻖ ﻭ ﻟﻮﺟﻴﻚ ﻓﻬﻀﺮﺗﻚ.

ﻣﺎﻧﺴﺎﻭﺵ ﺑﻄﺒﻴﻌﺔ ﺍﻟﺤﺎﻝ ﺍﻟﻠﺒﺎﺱ ﻭ ﺍﻟﺤﺎﻟﺔ ﻭ ﺍﻟﭽﻠﺴﺔ ﺍﻟﻤﻘﺎﺩﺓ ﻭ ﺍﻟﺜﻘﺔ

ﻓﺎﻟﻨﻔﺲ .